သားမိုက်နောင်တ

အမေ။။

အမေ့လက်အစုံနဲ့ ချီပွေ့

အမေ့ တေးသံသာသာနဲ့ ချော့သိမ့်

အမေ့ ဂရုဏာအကြင်နာ အနမ်းနဲ့

ကျနော် အိပ်ခဲ့ဖူးရတယ်။

အမေ။

အမေ့ရဲ့အင်အားတွေနဲ့

ကျနော့်  အနာဂါတ်လမ်းမှာ

အစွမ်းကုန်   အလင်းပြပေးခဲ့တယ်။

အမေ့ ပဲ့ပြင်မှု့  အမေ့ထိန်းကျောင်းမှု့

အမေ့ ဆိုဆုံးမမှုတွေနဲ့ ကျနော်

ကြီးပြင်းခဲ့ရတယ်။


ဒီလိုနဲ့
လောကကြီးထဲ ကျနော်ကျင်လည်
ဘဝရဲ့ သာယာမှု့
 လောဘရဲ့အလိုလိုက်မှုတွေကြား
ကျနော် အမေ့ စကား
အမေ့ ရုပ်သွင် အိုဇာပင်ကို
ကျနော်  မေ့ပျောက်တတ်ခဲ့တယ်။

အမေ... လောဘသမားတွေ ကမ်းတဲ့လက်
အတ္တသမားတွေ ခင်းတဲ့လမ်းထဲ
ကျနော်  နင်းပျော်ခဲ့ပြီ။

 အမေ့စကားသံ  ကျနော်နားအား 

 ခါခါလာရောက် ရိုက်ခတ်သော်လည်း

ကျနော်  နားထဲခါးသီးစွာပင် 

လက်မခံဘဲ  ငြင်းထုတ်မိပြီ။

 ဒီနေ့မှာတော့
အပြန်နောက်ကျ သားမိုက်ဘဝ
စိတ်မိုက်ခြေရာ  လျှောက်ခဲ့ရာကို ခွင့်လွှတ်ပါလို့
တောင်းပန်ပေမဲ့ အမေ့နားထဲ
မကြားနိုင်ပြီမို့
သားမိုက်နောင်တ  ရမိပါပြီ ။

သူငယ်ချင်းတစ်ယောက်အတွက်  ရေးပေးခြင်းဖြစ်သည်။

စာဖတ်သူများ ကိုယ်စိတ်နှစ်ဖြာ ကျန်းမာချမ်းသာပြီး  လိုရာဆန္ဒပြည့်ဝကြပါစေ



စာဖတ်သူများကို အစဉ်လေးစား
ချစ်ခင်လျှက်
အလွမ်းမြို့