Sunday 26 June 2016

အဆုံးသတ်


လမ်းခွဲခြင်းဆိုတာ ဝမ်းနည်းဖို့ မဟုတ်သော်လည်း
မျက်ရည်ဥလေးတွေ တွဲခိုခဲ့တယ်။
-
သံယောဇဉ်ဆိုတာလည်းက ဖြစ်တည်ဖို့ ခဲယဉ်းသလို
ဖြတ်ဖို့လည်း ခက်ခဲပါတယ်။
-
လောကကြီးမှာ ကိုယ်ဖြစ်တာတွေထက် ဖြစ်သင့်တာကိုရွေးရတဲ့အခါ
နာကျင်စရာတွေ ရင်မှာအပြည့်ပိုက်လို့
တိတ်တဆိတ် ထွက်ခွာရတာမျိုးလည်း
ရှိကောင်းရှိမယ်။
-
နှုတ်မဆက်ဘဲ ထွက်ခွာခဲ့ရတယ်ဆိုတာ
မုန်း......လို့မဟုတ်ဘူး
ကိုယ်ချစ်တဲ့သူတွေအပေါ် မနာကျင်စေလိုတဲ့စိတ်
နာကျင်စရာဟူသမျှ ကိုယ်တစ်ယောက်သာ ယူလိုတဲ့စိတ်
အရာရာကို အရှုံးပေး အားလုံးကိုအေးချမ်းစေချင်တဲ့စိတ်
ဒီစိတ်အားလုံးရဲ့ အဆုံးသတ်က
ကိုယ်နှုတ်ဆိတ်နေခြင်း.......ပါဘဲ။
-
အချစ်တွေ နစ်ကာထားမိတော့
ကျမ ပြိုလှဲ နာကျင်ဖူးတယ်
အဆုံးသတ်က
ကျမ..နေတတ်..ကျေနပ်..နေပါပြီ။


-
အလွမ်းမြို့လေး
26-6-2016

Tuesday 21 June 2016

အချိုးကျစွာ

သံယောဇဉ်ဆိုတာ ဖြတ်တတ်မှ ပြတ်တာ
မေတ္တာဆိုတာကလည်း ထားတတ်မှ မြတ်တာ
-
ရသူကတော့ ရနေသမျှ လိုနေဦးမှာဘဲ
ပေးသူကသာ တန်ဖိုးရှိတဲ့အရာတွေသာ ပေးတတ်ဖို့လိုတာ။
-
ကလေးဆိုတာ ငိုပြတတ်မှ မုန့်စားရတာမှန်ပေမဲ့
ငိုပြပြီး မျက်ရည်မထွက်တဲ့ ကလေးမျိုး 
လောကမှာ တစ်ပုံကြီး။
-
ပေါ့ပေါ့နေ လွယ်လွယ်ရ အနှစ်သာရကိုသိသူက
ပေါ့ပေါ့နေ လွယ်လွယ်ရဖို့ စကားလုံးတိုင်းကိုအချိုနဲ့ ရောချ
လူတကာကို မျှားတတ်တယ်။
-
ဘဝဆိုတာ တိုတိုလေးပါ
ချစ်ခြင်း/မုန်းခြင်းတွေကြား စိတ်လိုက်ခံစားဖို့မလို
နေ့မြင်ညပျောက် ခေတ်ကြီးထဲမှာ
ချစ်ခြင်း/မုန်းခြင်းတွေထဲ 
အချိုးကျစွာ နေတတ်ကျေနပ်ဖို့ဘဲ အဓိကပါ။
 -
အလွမ်းမြို့လေး
22-6-2016

ကျမ...သူတို့ကိုချစ်တယ်

အသက်အရွယ်ရလာတာနဲ့ နေထိုင်ရပ်တည် ပြောဆိုမှု့တွေကလည်း သူ့အလိုလိုပြောင်းလဲလာတယ်။တစ်ခြားသူတော့ မသိ။ကျမကတော့ အသက်ကြီးလာတာနဲ့အမျှစကား နည်းလာတယ်အဖော်များပြီးလူများတာ သိပ်မကြိုက်တော့ဘူး။
အေးအေးချမ်းချမ်း နေချင်လာတယ်။ကိုယ်မဖိတ်ခေါ်ဘဲကြုံလာရတိုင်း ပြသနာတိုင်း ခေါင်းအေးအေးနဲ့ ဖြေရှင်းတတ်လာတယ်။ဒေါသ
မောဟ လောဘ နည်းလာတယ်။ခွင်လွှတ်သင့်တာ ခွင့်လွှတ် ဥပက္ခာပြုသင့်တာ ဥပက္ခာပြု တတ်လာတယ်။  ဖြစ်သမျှ ကြုံသမျှတိုင်းအပေါ် တရားသဘောထည့် တွေးတတ်လာတယ်။

အချုပ်အားဖြင့်ပြောရရင် ဒါတွေအားလုံးဟာ ဖြတ်သန်းခဲ့ရတဲ့ ဘဝအတွေ့ကြုံ
ကြုံတွေ့ခဲ့ရတဲ့ ပေါင်းသင်းမျိုးစုံ
ရရှိခဲ့တဲ့ သင်ခန်းစာတွေရယ်
အသက်အရွယ်ကြောင့်လို့ဘဲ ထင်မိတယ်။
ခုရက်ပိုင်းတော့ သူတို့လေးတွေကို ကျမ ချစ်တတ်လာတယ်။
တစ်ခါမှ လှည့်မကြည့်ဖူးဘဲ ကျမရဲ့ စိမ်းကားခြင်း ရက်စက်ခြင်းနဲ့
ကျမ မေတ္တာကို မရရှိသူတွေ။
ခုတော့ သူတို့လေးတွေ ကံကောင်းလာပြီ။ 
ကျမသူတို့အပေါ် ခင်မင်စပြုလာပြီ..ချစ်တတ်လာပြီ။
ခုရက်ပိုင်းသူတို့လေးကိုအတော်လေး နှစ်သက်မြတ်နိုး ချစ်လာမိတယ်။
သူတို့လေးတွေ ပွင့်လာ သီးလာတာလေးကိုကြည်ပြီး 
ကျေနပ်နေမိတယ်။ ပြုံးနေမိတယ်။ သဘောကျနေမိတယ်။
သူတို့လေးတွေက ကျမစိတ်ကို ဆန်းလန်းစေတယ်
အေးမြစေတယ် ငြိမ်းချမ်းစေတယ်။ 
ဒါ့ကြောင့် ........ကျမ သူတို့ကို ချစ်တယ်။ 
သူတို့ရဲ့ သန့်ရှင်း/ရှင်သန် တာဝန်ကို ကျမယနေ့ကစ အမြဲ
ဂရုစိုက်ပေးတော့မယ်။

21-6-2016
အလွမ်းမြို့လေး
 -






....မေမေ့သားသို့....

ကြောက်တတ်ရင်လွှဲ ရဲတဲ့သူ မင်းဖြစ်တဲ့
သိပ်ဟုတ်တာပေါ့
သားရေ.....အမေဘဝအတွက်မဟုတ်ဘူး
အမေ့သား အနာဂါတ်အတွက်
အမေ မင်းဖြစ်အောင် မကြောက်ဘဲ ကြိုးစားတော့မည်။
-
သားဆိုတာ အမေ့အတွက်အား
သိပ်ဟုတ်တာပေါ့
သားရေ.......အမေ့အတွက်အားဆိုတာ
အမေဘဝမှာ သားရှိမှဖြစ်မှာ။
အမေက သားကိုအားကိုးချင်လို့ အမေ့အတွက်အားလို့
ပြောတာမဟုတ်ပါဘူး။ 
သားရှိနေရင်
အမေ အရာရာအတွက် ရင်ဆိုင်ရဲလာတယ်
အမေ့သားအတွက် အမေက အားပြည့်နေတာပါ
အဲတာ အမေ သားကိုချစ်တဲ့စိတ်ကြောင့်ဘဲ။
-
မိဘတိုင်းက သားသမီးကိုချစ်ကြသည်
ထို့ထဲထို့ထဲတွင်
အမေ့သားကို အမေ..အတိုင်းမဲ့...ချစ်သည်။
 
21-6-2016
အလွမ်းမြို့လေး 


 
-
 

Monday 20 June 2016

...............ပျံသန်းခြင်း..........

...............ပျံသန်းခြင်း..........


အဆိုးတွေကြုံလာလည်း ခဏပေါ့
အကောင်းတွေကြုံလာလည်း ကျေနပ်ပေါ့
ရတာမလို လိုတာမရ ဟောဒီဘဝထဲမှာ
လက်ရှိအခြေနေက အကောင်းဆုံးပါ။
-
ငိုချင်နေလား ငိုပစ်လိုက်
ငိုပြီးရင် ရီ(ရယ်)ရလိမ့်မယ်..
ကျရှုံးသွားလား ခဏပေါ့
ရှုံးနိမ့်ခြင်းရဲ့နောက်မှာ အောင်မြင်ခြင်းရှိတယ်
အဓိက..တစ်ဖန်ပြန်ကြိုးစားချင်စိတ်ရှိဖို့ဘဲ။ 
-
တွေးကြောက်နေလို့မှ မဖြစ်တာ
လှဲကျရာနေရာကထ
စိတ်ဓါတ်ကိုမြင့်တင်
ဘဝအတွက် ရေရှည်တွေးလို့
မောမန်းပြီး အားအင်ကုန်ခမ်းနေပါစေ
ကျမ.......ပျံသန်းရဦးမည်။
.
.
20-6-2016
အလွမ်းမြို့လေး
ဓါတ်ပုံကို Google က ကူးယူထားပါသည်။

Wednesday 15 June 2016

ပြုံးနေဦးမှာပါ


ဘဝခါးတွေကြုံရတုန်းကလည်း ကျမ ငိုကြွေးဖူးတယ်
နောက်- ဘဝလေးတွေ ချိုလာပြန်တော့ ကျမကျေနပ်မိတယ်။
ဒါပေမဲ့လေ အခါးအချိုတွေကြား
အချိုးကျစွာ နေတတ်ဖို့ သိပ်အရေးကြီးတာမို့
စိတ်ဓါတ်ကိုမြင့်တင် 
ကောင်းတာကိုတွေး ကောင်းတာကိုလုပ် ကောင်းရာကိုကြံ
အရာရာမှာ သီခံရင်း လောကဓံရဲ့လှည့်ကွက်
အငြိုးအတေးတွေကြား
အလွမ်း......ပြုံးနေဦးမှာပါ။


15-6-2016
အလွမ်းမြို့လေး

Tuesday 14 June 2016

ဘလော့အတွက် တစ်ဖန် မွေးဖွားခြင်း

15-6-2016 ဒီနေ့လေးကစပြီး ကျမ ဘလော့လေး...ကျမအိမ်လေးကို ကျမ အသက်ပြန်သွင်းမယ်။ လမ်းပျောက်နေ့တဲ့နေ့တွေ အဆုံးသတ်တော့မယ်။ ကျမရဲ့ ပျော်ရွှင်ခြင်း ဝမ်းနည်းခြင်း အမှတ်တရများ အားလုံးကို ဒီအိမ်လေးမှာ အသက်ဆက်သွင်းမယ်။ ခုလို သတိတရနဲ့ ကျမအိမ်လေးကို ပြန်လာနိုင်တာ ကျမ အတွက်တော့ အချိန်မှီနောင်တ ပါဘဲ။


အလွမ်းမြို့လေး
14-6-2016