တစ်ရက်တာစိတ်ထွက်ပေါက်များ

ဒီနေ့  ဘာတွေဖြစ်နေလဲမသိဘူး။ တစ်နေ့လုံး  ငိုရတယ်။ အိမ်ဦးနတ်က  ကျမလက်ကလေးကိုင်ပြီး အားပေးတယ်။ အငိုတိတ်ဖို့ပေါ့။  ခလေးတစ်ယောက်လို  အားပါတရ  ငိုပစ်လိုက်တယ်။ စိုင်းထီးဆိုင်  သီချင်းနားထောင်တယ်။ ငိုနေလို့ပြီးမှာလား  မငိုအောင်ချော့ချော့ဖို့ခက်တယ်။
 နောက်ပြီး အောင်လသီချင်း   ထအော်  ဆိုလိုက်တယ်။ (ငါဝအောင်ငိုလိုက်မယ် ဒီနေ့တစ်ရက်တော့ နက်ဖြန်မိုးလင်းရင် မငိုတော့ဘူး  ...  တစ်သက်လုံးအတွက်  မငိုဘူး)။ 

စိတ်ကူးထဲမှာ  မြန်မာပြည်   ပြန်ရောက်နေတယ်။   ဖြစ်ချင်တာလေးတွေ  တွေးကြည့်လိုက်တယ်။ မောင်နှမ  မရှိဘူး။ ဇနီးမောင်နှံ ၂ယောက်ထဲ   ခပ်ဝေးဝေးတစ်နေရာမှာ တဲစုတ်အိမ်လေးနဲ့  ရောင့်ရဲခြင်းတွေ  ထမ်းပိုးထားရင်းဘဝကိုအေးချမ်းစွာ  ဖြတ်သန်းနေတယ်။

(ကောင်းဆက်) ဆိုထားတဲ့  သီချင်းလေးကို  အဓိပ္ပါယ်   ပုံဖော်ကြည့်တယ်။ ဘာသာမတူရင်  မချစ်ရဘူးတဲ့ဆို  ပညတ်ချက်တွေ  ရှိထားလား  အချစ်ဆိုတာ  အကြောင်းပြချက်မရှိဘူး  ဒို့ချစ်မိတာ  အပြစ်ရှိလားတဲ့။ ဘာသာမတူ  လူမျိုးမတူတာကို  ချစ်မိတာ  အပြစ်ကြီးလုပ်မိတာတဲ့လား။ ဘာသာမတူတာ  မှန်ပေမဲ့  လူမျိုးက  မြန်မာပြည်ဖွား  မြန်လာလူမျိုးဘဲလေ။ တစ်မြေထဲနေ  တစ်ရေထဲသောက်ပြီး  ကြီးပြင်းလာကြတဲ့  အမိမြန်မာပြည် သားပါဘဲ။

ကမ္ဘာမှာ  အဆိုးဝါးဆုံးဖြစ်တဲ့  စစ်ပွဲတွေထဲ  ဘာသာရေး  စစ်ပွဲက  အဆိုးဆုံးပါဘဲ။ မြန်မာပြည်မှာရော  ဘာသာရေး  လူမျိုးရေးတွေဆိုတဲ့  အမြင်တွေ  ကွဲလွှဲမှု့ရှိနေကြတုန်းဘဲလား။ အဲဒီလူမျိုးမတူ  ဘာသာမတူတာတွေအတွက်နဲ့  စစ်ပွဲတွေဖြစ်နေ တုန်းဘဲလား။ ပြည်တွင်းစစ်  အိမ်တွင်းစစ်  တွေပေါ့။ တိုးတက်ခေတ်မှီနေပြီဆိုပြီး  ခေတ်နောက်ပြန်ဆွဲတဲ့  အယူအဆတွေကို လူတွေ  ဘာလို့မေ့လို့မရသေးတာလဲ။

မျိုးရိုးစဉ်ဆက်  ခရစ်ယာန်ပါဘဲ။ ကိုယ်ကိုယ်တိုင်လည်း  ခရစ်ယာန်စစ်စစ်ပါဘဲ။ ခရစ်ယာန် တစ်ယောက်ဆိုပေမဲ့  တစ်ခြားဘာသာတွေကို  မစော်ကားဘူး။ ကိုယ့်ဘာသာကို   ကြည်ညိုသလို  တစ်ခြား ဘာသာကိုလည်း  လေးစားတယ်။ ဘာသာတိုင်းက  ကောင်းတဲ့ဘက်ဘဲ  ဦးတည်ကြ သလို  ကောင်းတာတွေဘဲ  သွန်သင်ကြတယ်။ အယူအဆ  အတွေးအခေါ်တွေဘဲ  ကွဲလွဲခံယူထားကြတာပါ။ အဓိက  ဘာသာကောင်းဖို့  မလိုဘူး  လူကောင်းဖို့လိုပါတယ်။ ဘာသာ  ဘယ်လောက်ကောင်းကောင်း  လူကိုယ်တိုင်မကောင်းရင်  ဘာမှလုပ်လို့မရပါဘူး။

ရည်းစားများများ  မထားခဲ့ဖူးဘူး။ အချိန်ကျတော့လည်း ဘာသာခြား  လူမျိုးခြားနဲ့  အိမ်ထောင်ကျသွားတယ်။ လူမျိူးခြားဆိုပေမဲ့  မြန်မာပြည်ဖွားဘဲပေါ့။ လူမျိုးက (ဗမာ)  ကိုးကွယ်တဲ့  ဘာသာက  ဗုဒ္ဓ .. ။ အလွမ်းက  တိုင်းရင်းသူ  ကိုးကွယ်တဲ့ဘာသာက  ခရစ်ယာန်။ အိမ်ထောင်ရေးမှာလည်း  ၂ ဦးတည်းတော့  အဆင်ပြေအေးချမ်းနေတယ်။ နားလည်မှု့တွေ  ကိုယ်စီနဲ့ပေါ့။ အဲလို  ဘာသာမတူ  လူမျိုးမတူတာနဲ့  ဖူးစာအကြောင်းပါ  ညားခဲ့ကြတာ   အပြစ်တဲ့လား။ ဘယ်သူတွေ  ပညတ်သွားတာလဲ။ ညားပြီးချစ်သွားကြသလို  ချစ်လို့ညားသွားကြတာဘဲ။

မြန်မာပြည်က   ကျန်ခဲ့တဲ့မိသားစုကို  သတိရတယ်။လွမ်းတယ်။ ဖုန်းဆက်ဖြစ်တယ်။ စကားတွေ  အသွားအပြန်  မလှပြန်ဘူး။ အရိုးစွဲခံယူထားတဲ့  ဘာသာမတူတာတွေက  တစ်ဖက်ဖုန်းပြောနေသူ  အတွက်  လက်နက်ပေလား။ လွမ်းလို့ဖုန်းဆက်ပြီးတိုင်း  စိတ်ထိခိုက်ရတယ်။ လူတွေမသိအောင်  ငိုရတယ်။ မိသားစု  အလွမ်းဓါတ်ခံရှိသူမို့  ပိုလို့ဝမ်းနည်းရတယ်။ ဘယ်သူ့ကိုမှ  အပြစ်မတင်သလို အပြစ်မမြင်ဘူး။ အဲတာ  အလွမ်းရဲ့  ပါလာတဲ့ကံကြွေးပေါ့။





မေးကြည့်ချင်တယ်။ အမိမြန်မာပြည်ထဲမှာ  လူမျိုးမတူ  ဘာသာမတူရင်  လက်ထပ်မယူရတော့ဘူး။ လူမျိုးတူ  ဘာသာတူတာလေး  ရှာယူပြီးမှ  အရက်သမား  မယားဖြစ်သွားတာတွေလည်း  ဒုနဲ့ဒေးဘဲ။ အိမ်ထောင်ရေး  ဖောက်ပြန်တာတွေလည်း  ကြားရတာ  မကြာခဏပါဘဲ။ အလွမ်း ... ခုဆို... အိမ်ထောင်သက်  ၄ နှစ်ကျော်ပြီ။ ဇနီးမောင်နှံ  တစ်ခါမှ  စကားများ  ရန်ဖြစ်  စိတ်ကောက်တာ  မရှိသေးဘူး။ ငွေမချမ်းသာပေမဲ့  စိတ်ချမ်းသာ ရပါတယ်။လူမျိုးမတူ  ဘာသာမတူပေမဲ့  ကြင်နာတတ်သူ  သစ္စာရှိသူ  အိမ်ထောင်ဦးစီးပီသသူကို  ပိုင်ဆိုင်ရရှိထားတယ်။ အဲတာတွေကို  တစ်ခြားလူတွေက  ဘာသာမတူ  လူမျိုးမတူတာကြည့်ပြီး ဘေးထိုင်ဘုပြော  ဘာလို့  လုပ်နေကြတာလဲ။ ဘာလို့   နားမလည်ပေးတတ်တာလဲ။

  
အပျိုစင် လူလွတ်တစ်ယောက်  မဟုတ်တော့ဘူး။ အိမ်ထောင်ဦးစီးက  အလိုလိုက်ချစ်ပေမဲ့  ခွင့်လွှတ်လို့ရတဲ့  ချစ်ခြင်းနဲ့  ခွင့်လွှတ်လို့မရတဲ့  ချစ်ခြင်းတွေလည်း  ရှိသေးတယ်လေ။ ခွင့်လွှတ် သီးခံတယ်ဆိုတာ  သူ့အတိုင်းတာနဲ့  သူရှိသေးတာပေါ့။ အလိုလိုက်  အကြိုက်ဆောင်  သီးခံချစ်တိုင်း   မစော်ကားရဘူး။ တန်ဖိုးထားရမယ်။  ဘာဘဲလုပ်လုပ်ပေါ့  ကိုယ့်သဘော  ကိုယ့်ဆန္ဒကိုယ်ဘဲ ဦးစားပေး  လုပ်ချင်ရာလုပ်လို့  မရတော့ဘူး။ ဆိုးတိုင်ပင်  ကောင်းတိုင်ပင်ပေါ့။

မိဘတွေ  သားသမီးအပေါ်ထားတဲ့   ချစ်ခြင်းမေတ္တာတွေ   ထုထည်ကြီးမားတယ်ဆိုတာ  မှန်ပေမဲ့  ချစ်ခြင်းမှန်ကန်ဖို့လည်း  လိုသေးတယ်။ အိမ်ထောင်ကိုပစ်  ခုချိန်ကျမှ ဘာသာမတူလို့  မိဘရင်ခွင်ထဲ  ပြန်တိုးရင် ရလောက်တဲ့အထိ  အလွမ်း  မမိုက်ဘူး။ ကိုယ်လျှောက်တဲ့လမ်း  ကိုယ်သတ္တိရှိပါတယ်။

 တိုင်းရင်းသူ/သားတွေ ခဏခဏပြောတာ  ကြားဖူးတယ်။ (ဗမာ)တွေ  မကောင်းဘူးတဲ့။ ဒီ  အယူအဆတွေက  ခေတ်နောက်မှာ  ထားခဲ့ရတော့မှာ။ ဗမာတိုင်း  မဟုတ်ပါဘူး။ ဆိုးသွမ်းပြီး အကျင့်စာရိတ္တ  မကာင်းတဲ့  လူတွေရှိသလို   မွန်မြတ်ပြီး  စိတ်ထားကောင်းတဲ့ သူတွေလည်း  အများကြီး  ရှိပါတယ်။ လူနဲ့ဘဲ ဆိုင်တာပါ။ နောက်တစ်ခု ဘာသာရေး  အကြောင်းပြပြီး  ချစ်သူတွေ  မဝေးစေချင်သလို  အိမ်ထောင်သည်တွေလည်း  အိမ်ထောင်ရေး အပြိုကွဲစေချင်ဘူး။

ဟူး....မောတယ်... စိတ်ဆင်းရဲတယ်.... ခေါင်းပူတယ်  စိတ်ရှုပ်တယ်... မောင့်လက်ကိုတွဲ  လမ်းလျှောက်ထွက်  တော့မယ်.... တားတာ

မှတ်ချက်....ဓါတ်ပုံများကို  ဂိုဂယ်မှ  ကူးယူထားပါသည်။

ဘာမှတော့မဟုတ်ပါဘူး။ ၁ ရက်တာ စိတ်ညစ်စရာ  ဖြစ်ပျက်  ခံစားနေရတာတွေကို  စိတ်ထွက်ဖောက်တစ်ခုလို  ချရေးလိုက်တာပါဘဲ။ လာရောက်အားပေးတဲ့  မောင်နှမများ.... သိုင်းကျူး... ပါ..

စာဖတ်သူများကိုအစဉ်လေးစားချစ်ခင်လျှက်

အလွမ်းမြို့လေး