@@@ ငို @@@

ဓါတ်ပုံကို ဂိုဂယ်မှ ကူးယူပါသည်။

မနေ့က  စနေနေ့  ဇန်နဝါရီ ၂၆ရက်  အမေများနေ့တဲ့။ အမေများနေ့လေးမှာ ဘလော့မောင်နှမတွေရဲ့ ဘလော့တွေမှာ မိဘကျေးဇူး မိဘဂုဏ်ရည် ကဗျာတွေပိုစ့်တွေတင်ကြ ကျေးဇူးစကားဆိုကြ လွမ်းမောတာတွေ တမ်းတတာတွေ ရင်ဖွင့်ကြတယ်။ ထိုအထဲမှာ ကျမ အလွမ်းမြို့လည်း  စာတိုတိုလေး တစ်ကြောင်းရေးမိတယ်။

  

 ^^^^^^^ အမေ ...လွမ်းတာထက်ပိုတာများရှိရင် ပြောချင်တယ်လို့ ^^^^^^

 မဆီမဆိုင် ၂၇ရက်မနက်စောစော  အိမ်မက်မက်တယ်။အဟီး...လူတိုင်းကတော့ အမျိုးမျိုးသော အိမ်မက်ကိုမက်ကြမယ်။ အိမ်မက်ဆိုတာ တစ်ချို့ကစွဲလန်းမှု့....တစ်ချို့က  နိမိတ်ပြ.....တစ်ချို့က မသိစိတ်ကြောင့်  အမျိုးမျိုး  အဓိပ္ပါယ်ဖွဲ့  ခံယူတတ်ကြပါတယ်။

ဒါပေမဲ့ ကျမအတွက်တော့ ဆိုးလိုက်တဲ့ အိမ်မက်။ အမေများနေ့ကျမှ  မနက်စောစောပိုင်းမှ မက်လိုက်တာ ဘယ်အငြိုးရယ်ကြောင့်မသိ။ အိမ်မက်ထဲမှာ အမေက ကျမကို မောင်နှမတွေထဲ မချစ်သလိုအမြင်နဲ့  ကျမ ဘာလုပ်လုပ်  အပြစ်မြင်ပြောဆိုခဲ့ပြီး  ကျမ ထမင်းစားနေချိန်တောင် အမေက  အပြစ်တင်ခဲ့လို့ ထမင်းပန်းကန်လေးကိုင်ပြီး  တစ်ယောက်ထဲ သီးခြားစားပွဲမှာ  မျက်ရည်တွေနဲ့ ထမင်းစားနေရတယ်။အမေနဲ့ ကျမမောင်နှမတို့ ရောက်လာစားချိန်မှာ ကျမ စားလက်စ စားပွဲကနေ ဖယ်ပေးလိုက်ရတယ်။ကျမမှာ ငိုယိုပြီးအမေ့ကို တောင်းပန်လည်း  အမေက  ကျမကိုအပြစ်ပြောတာ မရပ်ဘဲ ကျန်တဲ့မောင်နှမတွေနဲ့ မိသားစုထမင်းဝိုင်းမှာ  စားသောက်ရင် ပျော်နေတယ်။ ကျမ စားပွဲဘက်လည်း လှည့်ကြည့်ပြီး အပြစ်တွေဆက်တိုက်ပြော  ဆူပူနေတယ်။ ကျမလေ  မိသားစုထမင်းဝိုင်းလေးမှာ  အတူမစားရလို့  ဝမ်းနည်းပြီးငိုနေလိုက်တာ ကျမ မျက်ရည်တွေကို ကျမအိမ်မက်ထဲ ကျမပြန်မြင်နေရပါလား.......

အမေဆိုတာ သားသမီးတိုင်းကို  တန်းတူချစ်တယ်ဆိုတာ  မှန်ပေမဲ့.....တကယ့်လက်တွေ့ဘဝမှာ  ကျမဟာ မိသားစု  ...မောင်နှမ  မေတ္တာငတ်နေသူပါ။ သူတို့ရဲ့  မမုန်းသော်လည်း  မချိုမြိန်သော  ဆက်ဆံမှု့တွေကြောင့်  ကျမ  ရင်ဘတ်ထဲနာကျင်စွာ  ခံစားရသလို  အိမ်မက်ထဲကလိုလည်း  အပြင်မှာ ခဏခဏ  ငိုရခဲ့ဖူးတယ်။ ကျမရဲ့  လက်တွေ့ ရင်ဆိုင်ဖြတ်သန်းနေရတဲ့ဘဝမှာဘဲ  ငိုနေရတာ  အားမရလို့ အိမ်မက်ထဲထိပါ  ငိုခဲ့ရသူပါ.....

ဒါလေးကတော့  အမေများနေ့က  ကျမရဲ့  ခံစားမှု့  ပိုစ့်   အမှတ်တရပါဘဲ။

အန်တီဒေါ်မာမာအေးရဲ့  သီချင်းလေးကို  သတိတရ  ဆိုလိုက်တယ်။ .ဖြစ်လေရာ  ဘဝတိုင်းမှာ ဘယ်သောခါမှ  ကိုယ်ကချစ်ရတဲ့သူ  မဖြစ်လိုပါ........... ♫♫♫♫♫

အန်တီမာမာအေး သီချင်းက  ချစ်သူတွေအတွက်ဆိုပေမဲ့  ကျမအတွက်ကတော့  မိဘ မောင်နှမ  ဆွေမျိုး ခင်မင်ရင်းနှီးသူ စဆုံး  ချစ်သူကြား   ခံယူထားပါသည်။

ကျမ  ဒီပိုစ့်လေးက  ဘာမှမဟုတ်ပါဘူး။ အမေများနေ့မှာ ကျမမက်ခဲ့တဲ့  ဆိုးလိုက်တဲ့  အိမ်မက်ကြောင့် စိတ်ထဲရေးချင်တာလေး ရေးဖြစ်လိုက်ယုံပါဘဲ။ စာဖတ်သူများအတွက်  အကျိုးမရှိသော်လည်း ကျမ၏ စိတ်ခံစားမှု့အပေါ်  နားလည်ပေးနိုင်ကြမယ်လို့  ယုံကြည်ပါတယ်။

စာဖတ်သူများအားအစဉ်လေးစား

ချစ်ခင်လျှက်

အလွမ်းမြို့လေး